Арьсны ханан бүрхүүл (skin barrier) гэж юу вэ?

Арьсны ханан бүрхүүл гэдэг нь арьсны гаднах өнгөн хэсэг юм. Өөрөөр хэлбэл эвэрлэг давхаргын гаднах давхарга гэсэн үг. Эвэрлэгийн давхарга нь арьсны эсүүд, липидүүд, амин ба өөхний хүчил зэрэг байгалийн чийгшүүлэгч хүчин зүйлээс бүрддэг. Хүний арьсны гол үүргүүдийн нэг бол хамгаалалт бөгөөд арьсны ханан бүрхүүл нь үүнд чухал үүрэг гүйцэтгэдэг. Эрүүл арьсны ханан бүрхүүл нь нарны туяа, харшил үүсгэгч нян бактери, тоос шороо, бохирдол зэрэг хүрээлэн буй орчны сөрөг хүчин зүйлсээс хамгаалж, арьсны чийгийг хадгалах, зохицуулахад тусалдаг юм. Хэрэв таны арьсны ханан бүрхүүл гэмтсэн бол ямарч сайн чанартай бүтээгдэхүүнийг хүлээн авах чадваргүй болсон байдаг болохоор эсрэгээр бүр эмзэгшүүлж, хорсох, улайх, халаан оргих шинж тэмдэг илэрдэг.

Гэмтсэн арьсны ханан бүрхүүл гэж юу вэ?

Арьсны ханан бүрхүүл гэмтсэн үед нарны хэт ягаан туяа, харшил үүсгэгч нян бактери, тоос шороо, бохирдол арьсанд амархан нэвтэрч чаддаг бөгөөд ингэснээр арьс гадны цочроогчдод илүү өртөмтгий болдог байна. Мөн арьсны ханан бүрхүүл гэмтсэнээр арьс ус, шим тэжээлийн алдагдалд орж чийгийн тэнцвэрээ алддаг. Арьсны баланс алдагдахад арьс уян хатан чанараа алдаж, жигд бус харагдаж, өнгөө алдан, таталдах таагүй мэдрэмж төрөхөөс гадна хуурайшилт, улайлт үүсэж, толбо гарч болзошгүй байдаг. Энэ нь хичнээн их чийгшүүлэх бүтээгдэхүүн хэрэглээд ч таны арьс хуурайшсан мэдрэмж байсаар байх болно гэсэн үг юм.

Арьсны ханан бүрхүүл яагаад гэмтдэг вэ?

Арьсны ханан бүрхүүл гэмтэхэд олон хүчин зүйлс нөлөөлдөг ба заримаас нь дурдъя. Үүнд:

Гадаад хүчин зүйлс:

• Нарны хэт ягаан туяа

• Бохирдол

• Тоос, тоос шороо, тоосонцор ба бусад

Дотоод хүчин зүйлс

• Генетик

• Стресс, ядаргаа

• Арьсны мөчлөгийн өөрчлөлт (skin cyclical changes)

Хүрээлэн буй орчны нөлөө

• Цаг агаарын нөхцөл байдал

• Улирал солигдох

• Агааржуулагч

• Давслаг ус ба хлор

• Ойр орчмын агаарын хэм эсвэл чийгшил өөрчлөгдөх

Амьдралын хэв маяг

• Сахлаа хусах, илүүдэл үсээ авах

• Үр дүнгүй цэвэрлэгээ, хэт их цэвэрлэх, үрж угаах

• Арьсыг хэт их гуужуулах

• Нүүрний будгаа цэвэрлэхгүй унтах

• Арьсны төрөлдөө тохиромжгүй, хортой найрлагатай арьс арчилгааны бүтээгдэхүүн хэрэглэх

• Арьс арчилгааны хэт их бүтээгдэхүүн хэрэглэх эсвэл нэг нэгэндээ харш орц найрлагатай бүтээгдэхүүнийг нэг дор хэрэглэх

• Арьс арчилгааны эмчилгээ хийлгэх

Арьсны эрүүл ханан бүрхүүл гэж юу вэ?

Арьсны эрүүл ханан бүрхүүл нь арьсны чийгийг алдагдуулалгүй, арьсыг гадны элдэв цочроогчоос хамгаалдаг юм. Өдөр тутам чийгшүүлэгч бүтээгдэхүүн хэрэглэн арьсны доторх чийгийн түвшинг тэнцвэртэй байлгах нь хөгшрөлтийг удаашруулж, арьсны асуудлуудаас урьдчилан сэргийлдэг байх нь. Арьсны ханан бүрхүүл эрүүл, уян хатан байвал арьс толигор, чийглэг, гэрэлтсэн, залуу харагдана. 

Арьсны ханан бүрхүүлийг эрүүл эсвэл гэмтсэн эсэхийг хэрхэн тодорхойлох вэ?

Ямарч бүтээгдэхүүн хэрэглэсэн арьс цочрох, хуурайших, улайх, хорсох, таталдах нь арьсны ханан бүрхүүл гэмтэлтэй байгааг илтгэдэг аж (Шинж тэмдгүүд нь арьсны төрлөөс хамааран харилцан адилгүй байж болно). Гэмтсэн тослог арьс нь илүү их тос ялгаруулдаг бол гэмтсэн хуурай арьс нь хэт хуурайшин барзайх, халуу оргиж, хорсдог байна. 

Юу хэрэглэх вэ?

Арьсны ханан бүрхүүлээ хамгаалахын тулд керамид болон центелла найрлагатй бүтээгдэхүүн хэрэглэхийг санал болгож байна. Бидний арьсан дор 7 тэрбум гаруй бичил биет, бактер амьдарч байдгийг та мэдэх үү? Эдгээр бичил биетүүд хэвийн, тэнцвэрт байдалд байвал арьсны элдэв өвчлөл, асуудал үүсдэггүй арьсны ханын давхарга гэмтдэггүй болохыг эрдэмтэд тогтоожээ. Арьсанд хэдий чинээ олон төрлийн бактери оршино, төдий чинээ арьс илүү эрүүл, чийглэг, эмзэгшилгүй SKIN BARRIER сайн байдаг байна.